Blönduós og Óli Tómas best í heimi...

Ég held að það sé við hæfi að koma með eina mjög góða afsökun fyrir fáum færslum, ég er á blönduósi í sumar og heimilið mitt er eitt af 30% heimila á Íslandi sem er ekki með nettengingu. Þannig ég kemst ekki í tölvu nema eftir dúk og disk og þegar ég kemst í tölvu þá nenni ég ekki að blogga og bla bla bla.... ég gæti lofað bót og betrun en þar sem enn eru eftit tveir mánuðir af þessu sumri þá mun færslurnar ekkert vera að hrúgast neitt inn.

Það voru haldnir tónleikar í byrjun mánaðarins, Groundfloor, Death Trapp og hin stórkostlega BCLB spiluðu og strákarnir voru svo sætir í sér að henda öllum ágóðanum í mig og Blönduósbúar eru alveg einstakir ég held ég komist aldrei yfir að þakka öllum fyrir mig:) ég er ekki frá því að Blönduós sé best í heimi en ég vil þakka öllum kærlega fyrir mig.

Ég er byrjuð að vinna aðeins á Árbakkanum og það er svooo gaman að vera byrjuð að vinna aftur, mjög skondið samt að mæta bara í einn til tvo tíma á dag það er svona á mörkunum að það taki því að mæta. Annars lítur þetta bara nokkuð vel út ég er byrjuð að geta labbað án vandræða, það koma að vísu dagar inn á milli þar sem ég er alveg skökk en hækjan hefur ekkert verið notuð í næstum þrjá eða fjóra mánuði þannig að þetta potast ég er ekki enn byrjuð að geta skrifað almennilega aftur en get samt tekið eina og eina pöntun ég verð víst bara að vera þolinmóð, ég bara nenni þessu ekki alveg lengur ég væri alveg til í að vera orðin alveg frísk, laus við gigtina og geta hreyft mig almennilega án einhverra vandræða en þetta kemur vonandi:)